Margir velta fyrir sér hversu oft og hvenær hreinsa eigi jakkaföt. Í sjálfu sér er engin algild regla um þau efni, en þó eru nokkrir punktar sem gott er að hafa í huga.

Að jafnaði ætti ekki að hreinsa jakkaföt oftar en einusinni á ári. Ástæðan er að því oftar sem farið er með jakkaföt í hreinsun því fyrr byrja þau að glansa, og verða ljót. (Þeas. jakkaföt sem eiga ekki að glansa, byrja að glansa)

Spariföt sem eru notuð mjög sjaldan er gott að geyma í fatapoka og hreinsa eftir notkun, t.d. ef þau eru notuð 1-2 á ári ætti að vera nóg að hreinsa þau eftir annað hvert skipti.

Athugið að hér erum við að tala um reglulega hreinsun, ekki hreinsun ef það hellist eitthvað á fötin eða festist í þeim. Þá þarf að fara með þau í hreinsun sem fyrst, og láta hreinsunina vita af blettinum.

Gott er að láta jakkaföt hanga fyrir utan skápinn, t.d. inná baði eða í stofu, svo þau geti andað eftir notkun.

Við í Herragarðinum höfum nýtt okkur þjónustu Efnalaugarinnar Björg og alltaf verið mjög ánægðir með hana.

Í dag, miðvikudaginn 18. apríl, er miðnætursprengja í Kringlunni. Allar búðir eru opnar til miðnættis, og afslættir og almennt fjör í búðunum.

Við í Herragarðinum erum ekki þekktir fyrir annað en að gefa góða afslætti á dögum sem þessum og ætlum að bjóða 20% af öllum vörum – aðeins í dag.

Pólóbolur fyrir sumarið, jakkaföt fyrir útskriftina eða einfaldlega nýjar gallabuxur, allt á kostakjörum.

Hlökkum til að sjá þig í Kringlunni.

Kanntu ekki að binda bindishnút? Kanntu að binda bindishnút en ekki four-in-hand? Viltu læra fleiri? Villi í Herragarðinum kennir þér four-in-hand bindishnútinn.

Blazerinn sem við skoðum að þessu sinni er nýr hörblazer frá Sand. Eins og flestir vita sem vilja þá verður sumarið algjört blazer-sumar og því ekki seinna vænna en að finna sér einn góðan.

Blazerarnir frá Sand eru líkt og annað frá sand stútfullur af skemmtilegum smáatriðum. Sniðið er fallega aðsniðið og hentar flestum. Innvolsið í þessum er skemmtilega blá-brúnt með fallegu mynstri.

Liturinn er einstaklega skemmtilegur, einn af þessum sem maður sér ekki oft. Liturinn hentar virkilega vel með ljósum kakíbuxum, ljós- og dökkbláum gallabuxum og hvítum buxum.

Á olnbogunum eru brúnar bætur, en bætur hafa verið áberandi upp á síðkastið. Bótin er lík jakkanum sjálfum svo hún er ekki eins áberandi og á mörgum öðrum jökkum.

Sand hefur lengi leikið sér með tölurnar á jökkunum sínum, haft þær í mörgum litum. Það sama er upp á teningnum á þessum jakka.

Sömuleiðis fylgir „vasaklútur“ með, en með því að kippa upp brjóstvasanum er kominn vasaklútur í sama lit og innvolsið. Skemmtileg viðbót.

Eitt af því sem verður mjög áberandi í sumar eru rúskinsskór, og þá sérstaklega uppháir. Þeir munu koma í mörgum litum, blár mun vera virkilega vinsæll, og eru skemmtileg leið til að glæða galla- eða kakíbuxurnar nýju lífi. Þessir Lloyd skór eru í uppáhaldi hjá okkur í Herragarðinum, bæði vegna gæðanna sem Lloyd eru þekktir fyrir, og litanna – dökkblár og ólívugrænn.

Þeir sem fylgjast með Ralph Lauren á Facebook vita að nýjasta línan þeirra ber yfirheitið Bright Escape sem vísar í skæru litina sem eru í fyrirrúmi í línunni.

Nú er sú lína lent í Herragarðinum, Polobolir, skyrtur og peysur í æðislegum, björtum, skærum sumarlitum.

Eftir skemmtilega útsölu eru nýjar vörur byrjaðar að koma í Herragarðinn. Útsalan er þó enn í fullum gangi, með 40-50% afslátt af öllum þeim vörum sem eru á útsölu.

Þessi einstaklega fallegi Sand blazer var eitt af því fyrsta sem við tókum upp úr nýrri vor-sendingu frá Sand. Hönnun er byggð á sígildri flík, dökkbláa blazernum, sem hefur verið hornsteinn í fataskápum herramannsins í áratugi. En þegar flíkin er frá Sand þá eru smáatriðin á næsta leiti.

Jakkinn er í sniði sem heitir Star, sem er aðsniðið og fallegt snið, en það einkennir oft fatnað frá Sand. Innvolsið í jakkanum er líkt og sést hér að ofan köflótt, sem gefur honum skemmtilegan og persónulegan blæ. Smaátriði sem sá sem gengur í jakkanum veit af, en aðrir sjá yfirleitt ekki.

Þegar Sand er annarsvegar, geturðu gengið að því vísu að aðeins hágæða efni séu notuð. Søren Sand er svo stoltur af efnisvali sínu í fötin að hann lætur nánast alltaf sérmerkja alla jakka með þeim efnisframleiðanda sem er notaður. Í þessu tilfelli er það ull frá Marzotto fjölskyldunni, en Marzotto er mjög virtur efnisframleiðandi sem á sér langa sögu.

Á síðustu misserum hefur verið mjög vinsælt hjá Sand að gera mönnum kleift að nota innvolsið í jakkanum sem vasaklút með því einu að kippa því upp úr vasanum.

Að lokum er gaman að benda á þessar fallegu og stórskemmtilegu tölur sem eru á jakkanum, sem minna mann á upruna blazer-jakkans, sem var oft notaður, og sérstaklega gerður, fyrir klúbba eða fjölskyldur, og bar þá skjaldarmerki viðkomandi aðila á tölunum.

Jakkinn fæst í Herragarðinum, Kringlunni og kostar kr 59.980,-